حول كاذب يا جماعة يعني مفيش حول .. يعني مينفعش حد يسألني ابني عنده حول
كاذب علاجه ايه ؟ ومينفعش حد يسألني هو الحول الكاذب ليه عمليه ؟؟ .. الحول
الكاذب ملهوش علاج لأن أصلا مفيش حول
طيب هو الطفل بيبان عليه انه احول ليه مع انه طبيعي ومعندوش حاجه
ساعات الطفل شكل الانف وشكل العينين والجفون بيدي احساس غلط بأنه أحول وهو
طبيعي خالص مش أحول وعشان كده بنسميه الحول الكاذب
وسهل جدا على الدكتور انه يعرف ان الحول كاذب مش حول حقيقي بفحص قاع العين.
وكتير بنقول للأمهات أنه مع مرور السنين الولاد دول وشوشهم هتكبر والاحساس
ان عندهم حول بيروح.
نقول كمان الحول الكاذب ملهوش علاج لأنه مفيش حول حقيقي .. بس نستنى شويه
لما يكبر الطفل وينتهي هذا الاحساس الخاطئ بأنه أحول
|
.jpg)
