حالة هذا الأسبوع ( 330 ) كريم العشري .. 22 سنه من المنصورة  

" الحول الوحشي للعين الضعيفة "

كريم عنده 22 سنة .. عينه الشمال اتعرضت لحادثة  وهو صغير .. عمل بعدها عملية جسم زجاجي وانفصال شبكي ..  للأسف العين دي فقدت الرؤية تقريباً وكمان حجمها صغر شوية وظهر فيها الحول الوحشي ده .. صحيح الدكاتره أجمعوا ان مستحيل العين دي نظرها يتحسن ... لكن ليه نسيب كريم عايش بالحول الفظيع ده حتى لو النظر مش هيتحسن .. أنا قلت لكريم عملية الحول يا ابني هتغير شكلك خالص .. النظر فعلاً مش هيتحسن .. لكن حتى النظر لو مش هيتحسن ليه نعيش بالشكل ده يا كريم ..  اياك تصدق ان العملية مش هتنجح عشان العين مش بتشوف.. ده اعتقاد خاطئ عند كتير من المرضى

كريم كان شجاع .. اقتنع بكلامي ووافق يعمل العمليه .. دي صورته بعد العمليه بشهر .. شكله فعلاً بقى غير .. حاجه تانيه خالص .. مش قادر اوصف لكم  أد ايه كريم فرحان بشكله الجديد الجميل وكل شوية يبعت لي على الواتس كلام في منتهى الرقة

بذمتكم أيهما أفضل .. أعيش طول عمري عايش بالحول ده .. أدخل الجامعة كده .. وأشتغل كده .. وأقعد مع زمايلي كده .. وأخطب كده .. وأتجوز كده .. وولادي يشوفوني كده .. ولا أتوكل على الله وأعمل العمليه واستعيد ثقتي بنفسي وأعيش بشكل طبيعي زي كل الناس .. أيهما أفضل ؟؟