حالة هذا الاسبوع ( 218 ) سمية فخري .. 19 سنة .. من اليمن

" الحول الوحشي للعين الضعيفة "

• انا سمية من اليمن .. عندي استفسار من فضلك

• تحت امرك يا سمية

• انا طالبة جامعية عندي 19 سنة .. عندي حول فيعيني اليمين .. الحول مأثرعلى نفسيتي يادكتور .. عندكم علاج ؟

• من إمتى عندك الحول ده ياسمية ؟

• الحول ظهر وانا صغيرة .. هو فعلاً الحول بيتعدل بالعملية ؟

• طبعاً أي حول ممكن يتعدل بعملية

• انا كشفت والدكاترة عندنا قالوا ان عيني الحوله نظرها ضعيف .. هل نظرها سيتحسن بعدالعملية ؟

• عمليات الحول مش بتحسن النظر يا سمية .. الحول هيتعدل بالعملية .. لكن النظر مش هيتحسن

• الدكاترة قالوا لي لوعملتي العملية والعين نظرها ضعيف فالحول سيرجع مرة أخرى

• لأ طبعاً .. فيه حوالي 10% بس من الحالات بعد ما بنعدل الحول بيرجع تاني بعد خمس ست سنين كده .. لكن مش كل الناس كده

• ما رأيك يادكتور ؟

• بصي يا سمية .. انا متعاطف جداً مع البنات اللي في سنك .. ودايماً اشجعهم يعملوا العملية .. يعني ايه خايفة الحول يرجع تاني .. توكلي على الله يا بنتي .. يعني انتي عايزة تعيشي طول عمرك بالحول ده ؟

المهم .. سمية جت لي العيادة من أسبوعين .. عملتله االعملية تاني يوم الصبح .. جت النهارده العيادة أشوفها قبل ما تسافر .. الحمد لله رب العالمين .. نتيجة العملية حلوة أوي .. أوي .. وكمان طلبت مني انزل حالتها على صفحتي عشان يشوفها المترددين اللي خايفين يعملوا العملية

حمد الله على سلامتك يا بنتي .. يستاهل الحمد والله

د. جمال صبحي