اتصل بي اسئلة شائعة استشارات عن بعد حالة هذا الأسبوع انواع الحول معلومات تهمك الصفحة الرئيسية


شلل العصب الرابع 8



    
 

حالة هذا الاسبوع ( 110 ) الطفل احمد خطاب 10 سنين .. من اسيوط

اعوجاج الرقبة وشلل العصب الرابع

شلل العصب الرابع غالباً بيكون عيب خلقي .. يعني الولد ده اتولد كده .. الاطفال اللي عندهم شلل في العصب الرابع بنلاقي عندهم عين أعلى من عين .. فالطفل اللي عينيه كده بيشوف صورتين فوق بعض .. والحل الوحيد عشان يشوف صورة واحدة انه يعوج رقبته كده عشان ينزل العين العالية شوية ويحاول يقربها من العين التانية .. تخيلوا احمد  هيفضل طول عمره عامل كده .. عنده عين أعلى من عين .. هيمشي وهو عاوج رقبته .. هيذاكر وهو عاوج رقبته .. هياكل وهو عاوج رقبته .. هيبص للموبايل وهو عاوج رقبته .. ساعات يعدلها شوية عشان يريحها وبعدين يرجع يعوجها تاني عشان يشوف صورة واحدة مش صورتين ..

في عملية شلل العصب الرابع احنا بننزل العين العالية لتحت جنب العين التانية .. ونتيجة العملية بتظهر بعد العملية على طول .. انا شخصياً باستنى جنب الولاد دول بعد العملية لحد أما يفوقوا من البنج عشان اشوفهم عدلوا رقبتهم والعملية نجحت ولا لأ .. بعد العملية بساعة تقريباً رحت أوضته أطمن عليه .. الحمد لله لقيت احمد قاعد على السرير ورقبته معدوله زي مانتم شايفين .. عينه العالية بقت في نفس مستوى العين التانية .. خلاص بقى شايف صوره واحده ومش محتاج يعوج رقبته تاني .. حمد الله على سلامتك ياحبيبي والف مبروك على نجاح عمليتك

د. جمــال صبحي 

 



الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders