حالة هذا الأسبوع : كارولين ع.  .. منالقاهرة

شلل العصب الرابع

الاطفال المولودين وعندهم شلل في العصب الرابع بتبقى عندهم العين اللي فيها الشلل أعلى من العين التانية خصوصاً لما يبصوا للجنب .. زي كارولين كده وهي باصة لليمين قبل العملية .. طبعاً شكلها وهي باصة الناحية دي مش حلو ومضايق مامتها قوي .. لكن والله مش هو ده الموضوع .. صحيح الشكل حاجة مهمة ولازم نصلحها .. لكن الأهم يا جماعة الوظيفة .. تصوروا كارولين كدة وهي باصة الناحية دي شايفة ازاي .. شايفة صورتين .. صورة بالعين اليمين وصورة تانية خالص بالعين الشمال .. عشان كدة كارولين قبل العملية كانت عاوجة رقبتها عشان متبصش الناحية دي خالص .. كانت مش عارفة تبص للسبورة .. ومش عارفة تبص للكتاب..  شوفوا بعد اسبوع من العملية عينيها اتعدلت ازاي وهي باصة لليمين .. وكمان عدلت رقبتها ورجعت تبص للكتب وتحل الواجب بطريقةطبيعية زي بقية البنات .. انا فرحان جداً بالعملية دي .. الحمد لله .. 

.. بصراحة عمليتك هايلة يابنتي ...

حمد الله على سلامتك يا كارولين  ... وألف مبروك

د. جمــال صبـــحي