|
حالة هذا الأسبوع ( 43 ) : اسماء اسامة عبد الوهاب
15 سنة .. من المنزلة
" عملت عمليتين حول قبل كده .. والحول رجع لي تاني
"
اسماء جت لي العيادة من شهر كده .. محبطة جداً ..
ومامتها زعلانة جداً ..
خير يا اسماء
انا عملت عمليتين حول قبل كده والحول رجع لي تاني
طيب وايه يعني يا بنتي .. نعمل عملية تالت .. يعني
عايزة تكملي حياتك بالشكل ده
بس انا رحت باسماء
لدكاترة كتير يا دكتور جمال وكلهم
قالوا لي
اوعى تعملي العملية تاني .. مادام
عملتيها قبل كده مرتين والحول رجع .. يبقى كل اما تعملها
الحول هيرجع تاني .. صح الكلام ده يا دكتور ؟
العيانين يا جماعة اللي زي اسماء عملوا عمليتين
حول قبل كده .. والحول رجعلهم تاني بيبقى صعب جداً عليا
اني اقنعهم انهم ممكن يعملوا عملية تالتة وان ممكن عينيهم
تتعدل تاني .. كتير منهم مش بيصدقني .. صحيح ان فتح العين
للمرة التالتة بتكون حاجة صعبة جداً ... مش بتبقى عملية ..
دي بتبقى موقعة حربية ..
العضلات بتكون متليفة ومش في
مكانها وكل الانسجة اللي
حوالين العين بتكون ملزقة في بعضها ... لكن انا عندي جملة
مشهورة وبقولها دايماً ( مفيش يا جماعة حول اسمه ما
بيتعدلش .. أي حول ممكن يتصلح .. ان شاء الله )
مفيش حاجة اسمها خايفة يرجع تاني .. يعني ياجماعة
نسيب بنت في السن دي تعيش بالشكل ده عشان خايفين احسن
الحول يرجع تاني .. ده كلام .. طيب ماهو ممكن مايرجعش تاني
ابداً .. وبتحصل كتير جداً .. ازاي نضيع على ولادنا فرصة
انهم يعيشوا حياة طبيعية .. بنفسية متزنة وسط اصحابهم
وزمايلهم .. وبعد كده مع زوجاتهم او ازواجهم ..
ازاي نسيبهم يكملوا حياتهم
وعينيهم فيها حول بالشكل ده .. عشان خايفين نعملهم عملية
تاني .. احسن الخول يرجع تاني .. طيب وايه يعني .. ماهو لو
حصل ورجع تاني نبقى نعدله تاني .. مش افضل من اننا نعيش
حول كده
قلت الكلام ده لمامة اسماء .. اتشجعت .. اتفقت
معاها على ميعاد العملية ..
اسماء جت من المنزلة النهاردة بعد اسبوعين من
العملية .. الحمد لله رب العالمين .. عينها حلوة قوي ..
وان شاء الله تفضل حلوة كده على طول
د. جمــال صبـــحي
|
.jpg)
