|
حالة هذا الأسبوع ( 233 ) ملك عصام .. 13 سنه .. من
العاشر من رمضان
" اللي عمل عملية قبل كده والحول رجع .. ينفع يعمل
عملية تاني ؟ "
قبل ما اكلمكم عن قصة النهارده احب أولاً اشكر البنت
القمر دي على شجاعتها وثقتها بنفسها اللي ملهاش حدود لما طلبت
اني انزل صورتها على صفحتي في حالة هذا الأسبوع عشان كل
اصحابها يشوفوها بعد العملية
انا هاتكلم النهاردة عن الحول المرتجع
لما عيان يكون عمل عملية حول قبل كده زي ملك كده
والحول رجع تاني .. بيكون مش مصدق أبداً انه ممكن يعمل عملية
تاني وان ممكن الحول يتعدل .. ملك البنت اللي زي القمر دي
متابعة حالاتي على الصفحه
..
انا دايماً باكتب ان الحول المرتجع علاجه عملية تاني .. مينفعش
بنت في سن ملك ولسه الدنيا قدامها توافق انها تعيش طول حياتها
بالشكل ده .. مفيش أي مبرر لكده .. حتى لو كانت عملت عملية قبل
كده والحول رجع تاني .. ده برضه مش مبرر انها ترضى تكمل حياتها
كده .. لازم تعمل عمليه تاني .. ولازم عينها تتعدل .. لازم
" بجد يا دكتور جمال .. ممكن تعملي عملية تاني وعيني
تتعدل .. وأرجع طبيعية زي كل أصحابي "
طبعاً ممكن
المهم .. عملت لملك العمليه من اسبوع وجت النهاردة
استشارة في العيادة
دي صورتها بعد العملية .. الحمد لله .. مفيش حول خلاص
.. الحمد لله رب العالمين
شوفوا السعادة اللي البنت فيها وهي بتتصور معايا
ألف حمد الله على سلامتك يا حبيبتي وربنا يوفقك
د. جمال صبحي
|
.jpg)
