حالة هذا الأسبوع : الحاج ن. عبد الرحيم من القاهرة

الحول الانسي الدائم عند الكبار

الحالة دي عملتها قبل كدة .. يعني مش الاسبوع ده .. لكن حابب اتكلم عنها

الحاج ن. تاجر جملة كبير قوي في الازهر.. عنده 55 سنة .. فوجئت بيه داخل عندي العيادة .. انا مش متعود ييجي لي عيانين عندهم حول في سن الحاج .. تقريباً العيان اللي عنده حول من صغره ووصل لسن 55 سنة وعاش طول عمره كدة .. وكل الناس عرفوه كدة .. وكل صحابه التجار اتعودوا عليه كدة ..  يقول يعني انا حاعيش اكتر ماعشت .. ايه يعني .. ما اكمل كدة وخلاص .. قليل منهم يفكر يعمل العملية ويغير شكله تماماً زي ماهو باين في الصور كدة .. في الحقيقة انا دايماً اقول للعيانين دول : اوعى تقول انا فاتني القطار خلاص .. حتى لو عندك ستين ولا حتى سبعين سنة .. ليه تعيش كدة لما ممكن تبقى كدة .. العيانين الكبار دول ياجماعة انا باتحمس ليهم قوي وباعمل قصارى جهدي عشان نتيجة العملية تبقى ممتازة عشان ميقولش يا ريتني ماعملتها .. مانا كنت عايش مستريح .. بالعكس انا عايزه يقول بعد العملية انا ليه كنت سايب نفسي كدة طول العمر ده .. ياريتني كنت عملت العملية من زمان .. ابتسامة العيان وهو داخل عليا بعد العملية وبيقوللي تسلم ايديك يا دكتور جمال هي اجمل لحظات حياتي ..

الف مبروك ياحاج النيولوك .. وربنا يديك الصحة وطول العمر .. وشكراً على ثقتك فيا

د. جمــال صبـــحي