حالة هذا الأسبوع ( 244 ) عبد الونيس .. من الصعيد

" الحول عند الكبار "

يومياً افتح رسايل الصفحة ألاقي السؤال ده  :

( انا عندي 30 سنة - وأنا عندي 40 سنة - وانا عندي 60 سنة ينفع أعمل عملية الحول في السن دي ؟ )

طيب أحب اقول لكم قولاً واحداً .. مهما كان عمرك .... اربعين .. خمسين .. ستين .. برضه ينفع تعمل العملية وتعدل الحول

صحيح ان الحول لازم يتعدل في سن صغيره عشان العين الحوله أكيد هتضعف ولازم نعدل الحول قبل نظرها ما يضعف .. لكن برضه ياجماعه .. لو واحد عاش بالحول طول عمره .. وبعدين أخد القرار في أي سن انه يعمل عملية ويعدل الحول .. يعدل الحول شكلاً بس ينفع ولا .. لأ ؟  طبعاً ينفع .. ودايماً باقول للعيانين الكبار اللي عندهم حول حتى لو العين الحوله نظرها مش هيتحسن .. طيب اضعف الايمان نعدل الحول ويبقى شكلك عادي وطبيعي

الحاج عبد الونيس عملت له العملية من اسبوع .. شوفوا أد ايه الفرق بين الصورتين

برافوا عليك والله يا حاج انك أخيراً اخدت القرار وعملت العملية

حمد الله على سلامتك والف الف مبروك