حالة هذا الأسبوع ( 241 ) مدام عزيزة .. 59 سنة .. من السويس

اجمل واحدة في حياتي عملت لها عملية حول

مدام عزيزة أكبر مشجع لصفحتي على الفيس ( Top Fan ).. من سنين وهي دايماً بتكون اول واحدة بتعمل لايك للحالات بتاعتي ..  هي كمان فريند ليا وكل بوستاتها بتوصلني ومتابعها على طول .. ست كاملة من مجاميعه .. شخصية .. مهذبة .. اجتماعية .. متدينة .. مرحة جداً .. خفة دم لاتوصف .. وأشطر واحدة في مصر بتعمل سمك ( ده زي ماهي بتقول ) .. كل اما اشوف صورها على الفيس سواء في الشغل ولا مع اصحابها ولا في مناسبات العيلة با أفرح جداً جداً .. بأحس أد ايه كان توفيق ربنا ليا وازاي ربنا كرمني وخلاني سبب في رسم البسمة الجميلة دي على وشها الطيب البشوش

انا عملت لها عملية الحول من 4 سنين تقريباً ( تقدروا تشوفوا صورتها قبل العملية في اول تعليق ) .. انا النهارده بانزل صورها الجميلة دي اللي اخدتها من صفحتها عشان ارد على كل المشككين في عمليات الحول واللي بيقولوا الحول لازم هيرجع تاني

ربنا يخليكي يا حاجة عزيزة
يارب دايماً منورة صفحتي