حالة هذا الأسبوع ( 123 ) شوقي الجمل 60 سنه من الاسكندريه

الحول الانسي عند الكبار

أستاذ شوقي موظف كبير قوي في الاسكندريه.. عنده 60 سنه .. طلع على المعاش من شهرين بس .. من اسبوع لقيته داخل عندي العياده .. انا مش متعود ييجي لي عيانين عندهم حول في سن الاستاذ شوقي .. عادةً العيان اللي عنده حول ووصل لسن 60 سنه .. وكل الناس عرفوه كده خلاص .. وكل صحابه اتعودوا عليه كده ..  يقول يعني انا هاعيش اكتر ماعشت .. ايه يعني .. ما اكمل كده وخلاص .. قليل منهم يفكر يعمل العمليه ويعدل الحول بعد ما يوصل لسن الستين .. في الحقيقة انا دايماً اقول للعيانين دول : اوعى تقول انا فاتني القطر خلاص .. حتى لو عندك ستين ولا حتى سبعين سنه .. ليه تعيش كده لما ممكن تبقى كده .. العيانين الكبار دول ياجماعه انا باتحمس ليهم قوي وباعمل قصارى جهدي عشان نتيجة العمليه تبقى ممتازه عشان ميقولش يا ريتني ماعملتها .. مانا كنت عايش مستريح .. بالعكس انا عايز العيان يقول بعد العمليه انا ليه كنت سايب نفسي كده .. ياريتني كنت عملت العمليه من زمان .. ابتسامة العيان وهو داخل عليا بعد العمليه وبيقوللي تسلم ايديك يا دكتور جمال هي اجمل لحظات حياتي .. شوفوا استاذ شوقي وصورته بعد العمليه وابتسامته الجميله .. حاجه تفرح والله

الف حمد وشكر ليك يارب .. والف مبروك يا حاج ..  نيولوك جديد خالص أهو .. وربنا يديك الصحه وطول العمر .. شكراً على ثقتك الكبيره فيا .. وشكراً ان حضرتك وافقت انزل صورتك على صفحتي

د. جمــال صبـــحي