حالة هذا الأسبوع  ( 332 )

ريتال .. 6 سنين .. من اسيوط

" فيها حاجه حلوة "

 بمناسبة البنوتة الجميلة دي بتاعة حالة الأسبوع ده أحب أكلمكم النهارده عن حاجه دايماً بألاحظها وكتير من الناس مش بتصدقني لما بأقولها

عايز أكلمكم عن حاجه باشوفها في وشوش البنات الصغيرين دول بعد ما يعملوا العملية .. حاجه واضحه جداً بتبان على وشوشهم .. مش موضوع الحول اتعالج .. لأ خالص .. فيها حاجه تانيه .. فيها ابتسامة سكر مكنتش موجوده .. فيها نظرة جديده كلها ثقه .. فيها تفاؤل .. فيها فرحه .. فيها حب

فعلاً فيها حاجه حلوة