|
حالة
هذا
الأسبوع
( 364 )
جنى عبد
القادر
.. 14 سنة
.. من
أسيوط
" الحول الأنسي
والعين الكسلانه "
بمناسبة الحاله الجميله بتاعة البنوته القمر دي .. عايز اتكلم النهارده عن
علاج حالات الحول في السن دي اللي فيها العين الحوله ضعيفه
وكسلانه .. جنى هنا محتاجه حاجتين مع بعض .. مينفعش حاجه
واحده .. أول حاجه لازم نعدل الحول ده بعمليه .. والحاجه
التانيه لازم ننشط نظر العين الضعيفه دي
مينفعش ننشط النظر بس ونسيب العين حوله زي ما هي .. ومينفعش برضه نعمل
عمليه ونعدل الحول بس لأن عملية الحول مش بتحسن النظر ..
المهم عملت لجنى العمليه والحول اتعدل تماماً
بعد العمليه على طول بدأنا تمارين تنشيط الإبصار وبعد 3 شهور جنى جت لي
تاني ولقيت الحمد لله نظر العين الضعيفه اتحسن جداً ..
يعني البنت بقت زي الفل .. مفيش حول .. والعين كمان نظرها
بيتحسن .. وأهم حاجه بقت زي القمر ..
الف مبروك يا بنتي وحمد الله على
السلامه
|
.jpg)
