حالة هذا الأسبوع  ( 360 ) 

نسرين خاطر .. 19 سنه  .. من البحيرة

" الحول الأنسي للعين الضعيفة  "

نسرين طالبة في تالتة كلية .. من شهر كده جت لي العياده مع باباها ومامتها

-       أنا :  الحول ده عند نسرين من إمتى يا جماعة ؟

-       مامتها : نسرين كانت مولودة طبيعية خالص زي أي بنت .. وهي عندها 4 سنين ظهر الحول عندها

رحنا بيها لدكاتره كتير .. كلهم قالوا محتاجه نضاره عشان عندها عين قويه وعين ضعيفه .. كانت عيله بقى ورفضت تلبس النضاره .. البنت كبرت يا دكتور جمال والحول مأثر على نفسيتها .. لازم نشوف حل

-       أنا : طيب دلوقتي نسرين محتاجه حاجتين .. أول حاجه لازم نعدل الحول ده بعمليه .. والحاجه التانيه لازم تلبس النضاره عشان نحافظ على نظر العين دي

النهارده نسرين بعتت لي على الواتس صورتها بعد ما عملتلها العملية .. بسم الله ما شاء الله .. البنت بقت زي القمر .. حاجة تانية خالص

الف مبروك يا بنتي وحمد الله على السلامه