حالة هذا الأسبوع ( 326 )

راضي حيدر .. 43 سنة .. من المنيا

قبل ما اتكلم عن حالة النهاردة .. لازم اشكر راضي الراجل الصعيدي السكر ده انه وافق انزل صورته على صفحتي .. راضي قال لي بالحرف الواحد :

" طبعاً تنزل صورتي ونص .. لازم كل راجل في سني عنده حول يشوف صورتي .. ناس كتير عايشين كده يا دكتور جمال وراضيين بحالهم زي ماكنت انا راضي ومش عارفيين ان الحل سهل كده .. انا لما شفت نفسي بعد العملية قلت ايه اللي انا كنت فيه ده .. ازاي سبت نفسي لحد اما بقيت 43 سنة عايش بالشكل ده

الحمد لله .. ربنا يخليك .. وتسلم ايديك "

انا عملت العملية لراضي من 8 شهور .. بعد العملية على طول سافر شغله بره مصر .. راضي بيشتغل في المستشفى الجراحي العام في الأردن .. وكان وعدني انه هيبعت صورته بعد العملية عشان انزلها على الصفحة

النهاردة بافتح رسايل الصفحة لقيت الصورة الجميلة دي .. راضي بقى غير يا جماعة .. عينه اتعدلت الحمد لله .. شكله اتغير خالص فعلاً

حبيبي ألف حمد الله على سلامتك واتمنى اشوفك لما تيجي مصر