|
حالة هذا الأسبوع ( 146 )
: اسراء خليفة .. سنه و8 شهور ..
من سوهاج
"
الحول الوحشي للاطفال الرضع
"
مامة اسراء مدرسة ابتدائي من سوهاج .. كلمتني من
حوالي سنه على الفيس :
( السلام عليكم .. انا بنتي يا دكتور جمال عندها
دلوقتي 8 شهور .. في الشهر الخامس كده لاحظنا ان عينها
اليمين بتحول لبره .. حول وحشي يعني .. الدكاتره هنا قالوا
محتاجه عمليه .. انا شايفه انها صغيره أوي على العمليه ..
فيه ضرر لو استنينا شويه على العمليه )
طيب الكلام ده لكل الامهات اللي عندهم بنت زي
اسراء .. أول حاجه لازم نعرفها ان البيبيهات اللي عندهم
حول وحشي وعينيهم بتحدف لبره
كده مش بيخفوا لوحدهم أبداً ..
الولاد دول عينيهم بتتعدل بالعمليه بس .. إوعوا تصدقوا
المقوله الشائعه الغلط اللي بعض الأمهات بيكتبوها على
صفحتي ( ابني كان كده وعينه اتعدلت لوحدها من غير عمليه
ولا حاجه ) .. أو المقوله التانيه الشائعه برضه ( ابني كان
كده وعمل نضاره وعينه اتعدلت من غير عمليه ولا حاجه ) ..
طبعاً ده كلام مش صح .. ده كلام غلط في غلط .. مفيش في
الطب حاجه اسمها بيبي عنده حول وحشي وعينه اتعدلت لوحدها
.. وبرضه مفيش في الطب حاجه اسمها حول وحشي بيتعدل
بالنضاره
.. الحول الأنسي ياجماعه هو اللي
بيتعدل بالنضاره لكن الحول الوحشي مش ممكن يتعدل بالنضاره
المهم .. الحول الوحشي عند الاطفال حول نادر - مش
بنشوفه كتير - وساعات لما بنفحص البيبيهات دول بنلاقي
عندهم مرض في عينهم الحوله خلا نظرها ضعيف .. ولما العين
ضعفت حولت لبره .. وبيكون هدفنا الرئيسي في الحالات دي قبل
ما نعمل عملية الحول اننا نعالج المرض اللي خلا العين
ضعيفه
اسراء
جت لي مع مامتها بعد سنه من الحوار ده .. بعد ماكشفت على
اسراء لقيت قاع العين سليم والشبكيه سليمه والعصب البصري
سليم والمشكله مشكلة حول بس .. الحول اللي عندها ناتج من
ضعف في عضلات العين مش ضعف في النظر .. لازم نعملها عمليه
عشان نعدل الحول .. العين الحوله لو سبناها كده هتضعف مع
الوقت ويحصل لها كسل
عملت العمليه لاسراء تاني يوم الصبح .. بعد
العمليه بساعه رجعوا سوهاج .. اتفقت مع مامتها انها تبعت
لي كل اسبوعين صوره على الواتس عشان اشوف اخبارها ايه ..
دي صورة اسراء بعد شهرين من العمليه
بصراحة عمليتها حلوه قوي .. الحمد لله .. يستاهل
الحمد .. الحول اختفى تماماً .. حمد الله على سلامتك يا
حبيبتي والف مبروك
د. جمــال صبـــحي
|
.jpg)
