|
حالة هذا الأسبوع ( 88 )
: إياد .. 6 شهور .. من المنصورة
"
الحول الوحشي للاطفال الرضع
"
قبل ما نتكلم عن إياد .. أول معلومة لازم نعرفها
ان البيبيهات اللي عندهم حول وحشي وعينيهم بتحدف لبره
كده واستمر الوضع كده لحد الشهر
السادس مش بيخفوا لوحدهم أبداً .. الولاد دول عينيهم
بتتعدل بالعملية بس .. إوعوا تصدقوا المقولة الشائعة الغلط
اللي بعض الأمهات بيكتبوها على صفحتي ( ابني كان كده وعينه
اتعدلت لوحدها من غير عملية ولا حاجة ) .. أو المقولة
التانية ( ابني كان كده وعمل نضارة وعينه اتعدلت من غير
عملية ولا حاجة ) .. طبعاً ده كلام مش صح .. مفيش في الطب
حاجة اسمها بيبي عنده 6 شهور وعنده حول وحشي وعينه اتعدلت
لوحدها .. وبرضه مفيش في الطب حاجة اسمها حول وحشي بيتعدل
بالنضارة
.. الحول الأنسي ياجماعة هو اللي
بيتعدل بالنضارة لكن الحول الوحشي مش ممكن يتعدل بالنضارة
.. طبعاً كلكم عارفين ان البيبيهات اللي لسه عندهم شهر ولا
شهرين وعضلات العين لسه نموها مش كامل بيحصل لهم حول
وعينيهم بتتعدل لوحدها .. دي حاجة طبيعية وكل الامهات
والجدات عارفينها .. احنا مش بنتكلم على كده .. احنا بتكلم
عن الحول اللي استمر لحد الشهر السادس واللي بنسميه الحول
الوحشي للأطفال الرضع .. ده اللي مش بيتعدل لوحده أبداً.
المهم .. الحول ده حول نادر - بعكس الحول الأنسي -
وساعات لما بنفحص البيبيهات دول بنلاقي عندهم مرض في عينهم
الحوله خلا نظرها ضعيف .. ولما العين ضعفت حولت لبره ..
وبيكون هدفنا الرئيسي في الحالات دي قبل ما نعمل عملية
الحول اننا نعالج المرض اللي خلا العين ضعيفة .. لأن ده هو
المهم .. أهم من الحول نفسه
..
أول
حاجة قلتها لمامة إياد لما جت العيادة " أول حاجة يا مدام
لازم نفحص عينه الحوله .. لو العين ضعيفة يبقى لازم نشوفها
ضعيفة ليه ونعالجها الأول .. سيبك من الحول دلوقتي يا مدام
.. خلي الحول آخر حاجة نفكر فيها .. الحول أمره سهل .. نص
ساعة في أوضة العمليات وأي حول بيتعدل .. المهم لو إياد
عينه ضعيفة يبقى لازم نعالجها الأول والولد يرجع يشوف بيها
تاني
"
بعد ماكشفت على إياد لقيت قاع العين سليم والشبكية
سليمة وكل حاجة تمام التمام والمشكلة مشكلة حول بس ..
العين مش ضعيفة ولا حاجة
"
إياد يا افندم
نظره مفيهوش اي مشكلة .. الحول اللي عنده ناتج من ضعف في
عضلات العين مش ضعف في النظر .. بس برضه لازم نعمله عملية
عشان نعدل الحول .. العين الحوله لو سبناها كده هتضعف مع
الوقت ويحصل لها كسل
"
المهم .. عملت العملية ل إياد تاني يوم الصبح ..
دي صورته بعد شهر من العملية
بصراحة عمليته حلوة قوي .. الحمد لله .. يستاهل
الحمد
د. جمــال صبـــحي
|
.jpg)
