|
حالة هذا الأسبوع ( 77 )
: أمنية محمود .. سنتين .. من
سوهاج
الحول الوحشي للاطفال الرضع
الأطفال اللي عينيهم بتحول لبره زي أمنية كده مش
بنشوفهم كتير .. وظهور الحول ده عند الأطفال ساعات بيكون
سببه ان الطفل عنده عين مش شايف بيها كويس
لما يكون بيبي صغير عنده عين من عينيه مش شايفة
كويس .. العين الضعيفة بتحول .. وعادة تحول لبره .. كأن
البيبي عايز يقول لنا " عيني الحوله دي مش باشوف بيها كويس
"
كتيرلما
بنفحص البيبيهات دول بنلاقي فعلا عندهم مرض في عينهم
الحوله خلا نظرها ضعيف .. وعشان كده انا دايماً بأقول " يا
جماعة أي بيبي عنده حول وحشي يعني عينه حدفت لبره لازم
يتفحص فوراً "ً .. أحسن يكون عنده حاجه في عينه هي سبب
الحول ولازم تتعالج بسرعة ( زي مشاكل الشبكية اللي بتيجي
من حضانات المبتسرين .. وزي المية البيضاء عند الاطفال
الرضع ..وغيرها (
أول
حاجة قلتها لمامة أمنية لما جت العيادة " أول حاجة يا مدام
لازم نفحص عينها الحوله دي ونتأكد انها بتشوف بيها كويس "
الحمد لله لقيتها زي الفل .. قاع العين سليم
والشبكية سليمة
" امنية يا افندم نظرها ما فيهوش اي مشكلة
.. الحول اللي عندها ناتج من ضعف في عضلات العين مش ضعف في
النظر .. بس لازم نعملها عملية بسرعة أحسن العين الحولة دي
هتضعف مع الوقت ويحصل لها كسل "
طبعا كلام الامهات اللي انتوا حفظتوه .. مانستنى
شوية ..
لما تكبر .. يمكن الحول يتعدل
لوحده .. بيقولوا الحول هيرجع تاني .. الخ
طيب
.. نقول للمرة العشرين .. يا جماعة الحول الوحشي عند
البيبيهات دول مش بيتعدل لوحده أبداً .. مهما استنيتوا
برضه هتعملوا العملية .. كل مانعملها بدري كل ما كان احسن
عشان العين الحولة ماتضعفش
المهم .. عملت العملية لأمنية تاني يوم الصبح
وسافرت سوهاج بعد العملية على طول .. وبعد شهر كده جت
العيادة تاني عشان أطمن عليها
بصراحة عمليتها زي الفل .. الحمد لله .. يستاهل
الحمد .. شكلها اتغير خالص .. بقت زي القمر
د. جمــال صبـــحي
|
.jpg)
