حالة هذا الأسبوع ( 367 )

زين احمد .. سنتين إلا .. من الوادي الجديد

" الحول الأنسي الخلقي "

النهارده داخل عيادتي لقيت السكر ده جاي استشاره مع باباه ومامته من الوادي الجديد بعد اسبوعين من العمليه وقاعد يتنطط وسط المرضى .. بصراحة مقدرتش أقاوم .. شلته وقعدت أبوس فيه وانا مش مصدق ان اللي أنا شايله ده هو زين بتاع الوادي الجديد

الواد اللي بقى زي السكر ده .. بيخليني أصر دايما على نصيحتي اللي بأقولها لكل الآباء والأمهات عن أهمية علاج الحول ده في سن صغيره .. وأكبر غلط بنقع فيه اننا نرفض نعمل العمليه بدري ونسيب ولادنا يكبروا بالحول ده .. والامهات دايماً يقولوا لي مش معقول يا دكتور جمال نعمل عملية لبيبي صغير كده .. ممكن نستنى شويه لما يكبر يمكن الحول يتعدل لوحده .. طبعاً مفيش يا جماعه حول بيتعدل لوحده أبداً  .. وكل مانسيب الحول عند أطفالنا كل مانعرضهم لمشاكل الكسل الوظيفي وضعف ابصار العين الحوله .. بابا ومامة زين كانوا تمام .. أخدوا القرار الصح في التوقيت الصح ووافقوا يعملوا العمليه لزين وهو لسه مكملش سنتين .. والحمد لله عمليته نجحت وبقى زي القمر

ربنا يبارك لكم فيه يافندم وتشوفوه دكتور أد الدنيا