حالة هذا الأسبوع ( 337 )

أسيل .. 5 سنين .. من سوهاج

الصبح بافتح الواتس بتاعي لقيت أجمل رسالة وصلتني النهارده

مامة أسيل القمر دي كاتبة لي أحلى كلام في الدنيا .. وباعته لي صورة أسيل وهي بتقدم لها في (KG)

صورة زي دي .. للسكر دي .. بتخليني أصر على نصيحتي اللي دايما بأقولها لكل الأمهات على أهمية علاج الحول في سن صغيرة .. وأكبر خطأ بتقع فيه الأم انها ترفض التدخل لإصلاح الحول عند البيبي بتاعها وهو صغير .. ودايماً الامهات يقولوا لي مش معقول يا دكتور جمال نعمل عملية لبيبي صغير كده .. ممكن نستنى شويه يمكن الحول يتعدل لوحده قدام شويه .. طبعاً مفيش حول في الدنيا بيتعدل لوحده .. وكل مانسيب الحول عند أطفالنا كل منعرضهم لمشاكل الكسل الوظيفي وضعف ابصار العين الحولة .. مامة أسيل كانت أم شاطرة .. أخدت القرار الصح في التوقيت الصح ووافقت تعمل العملية لأسيل وهي لسه سنه وكام شهر .. وأكبر دليل على كده هو صورة ال (KG) دي

ربنا يبارك لك فيها يافندم وتشوفيها عروسة زي القمر