حالة هذا الأسبوع ( 297 )

" الحول الأنسي للأطفال الرضع "

أقوال مأثورة كلها غلط

* انتي اتجننتي .. هتعملوا عمليه في عينها وهي 5 شهور

* بنتي عينها كانت حوله كده واتعدلت لوحدها

* يا بنتي اعقلي .. دي لسه حتة لحمه .. هتعملوا عمليه في عينها ازاي

* مانقدرش نقول عندها حول ولا لأ .. استنوا لما يبقى عندها سنتين كده وبعدين اكشفوا عليها

* يا بنتي حتى لو عملت العمليه دلوقتي .. عينها هتحول تاني بعد شويه

* اوعى حد يلعب في عين بنتك الا لما تكبر .. استني على دخول المدرسة كده

****************

يا جماعة الحول ده هو اشهر انواع الحول عند البيبيهات .. يعني تقريباً نص البيبيهات إللي عندهم حول بنلاقي عندهم الحول الأنسي ده

الحول الأنسي للأطفال الرضع ملوش علاج إلا العمليه .. لو قدرنا نعمل العمليه قبل سن 6 شهور يكون احسن .. مهما استنيتوا برضه هتعملوا العمليه .. كل مانعملها بدري كل ما كان احسن عشان العين الحوله ماتضعفش او تكسل .. وصدقوني نتايج العمليات عند الاطفال دول ممتازة .. ونسبة رجوع الحول ده قليله جداً

د. جمال الدين احمد صبحي

رئيس قسم الحول

بالمعهد التذكاري للأبحاث الرمدية

--------------------------------------