|
حالة هذا الأسبوع ( 253 ) : ادم .. سنة ونص .. من
البحيرة
الحول الانسي الخلقي
الحول ده هو اشهر انواع الحول عند البيبيهات ..
ودايماً بأقول للامهات لما البيبي بتاعك يظهر عنده حول
انسي – يعني عينه تخش لجوه –
في
اول 6 شهور من عمره فأول احتمال تفكروا فيه هو الحول
الانسي الخلقي
والحول ده ملهوش علاج إلا العملية .. كتير من
الامهات يقولوا لي مانستنى شويه لما البيبي يكبر يمكن
الحول يتعدل لوحده
يا جماعة الحول الانسي الخلقي مش بيتعدل لوحده
أبداً .. مهما استنيتوا هتعملوا العملية برضه .. وكل
مانعملها بدري كل ما كان احسن عشان العين الحوله ماتضعفش
او تكسل .. وصدقوني نتايج العمليات عند الاطفال دول ممتازة
.. وغالباً بنحتاج عملية واحدة عشان نعدل الحول .. وده
اللي حصل مع ادم بعد العملية الحمد لله بقى زي الفل .. ومش
هيحتاج في المستقبل أي حاجة تانية ان شاء الله
حمد الله على سلامتك يا حبيبي وألف مبروك نجاح
العملية
|
.jpg)
