|
حالة هذا الاسبوع ( 251 ) .. مكة احمد ماهر ..
7 شهور .. من كفر
الشيخ
كتير من الأمهات بيسألوني بعد العملية السؤال الشهير :
" هي عملية بنتي نجحت ولا لأ ؟ "
هأقول لكم النهاردة ازاي تعرفوا لوحدكم العملية ناجحة ولا
لأ
الموضوع في منتهى البساطة .. امسك الموبايل .. شغل
الكاميرا .. شغل الفلاش .. امسك الموبايل قدام بنتك على
طول .. صور البنت بس لازم بالفلاش .. اخدت الصوره خلاص ..
بصوا يا جماعة على الصوره ..
بصوا على النقطه
البيضا الصغيره اللي هي انعكاس الفلاش على العين .. بصوا
عليها كويس وشوفوا النقطه البيضا موجودة فين
لو النقطه البيضا موجودة في وسط النني في عين .. بس مش في
وسط النني في العين التانية .. يبقى فيه حول .. قولاً
واحداً .. مفيش فصال ( زي صورة مكة قبل العملية .. شوفوا
النقطة البيضا فين )
طيب ولو بعد العملية النقطه البيضا دي بقت في وسط النني
بالظبط في العين اليمين وبرضه في وسط النني بالظبط في
العين الشمال يبقى مفيش أي حول .. قولاً واحداً برضه . .
مفيش حول يعني مفيش حول .. ما دام النقطه البيضا في وسط
النني يبقى خلاص الحول اتعدل .. مينفعش بعد كده نقول بس
انا حاسس أن عينها لسه داخلة لجوه شويه .. أو الناس بتقول
لسه فيه حول
خلاص كده .. شوف انت بنفسك .. شوف النقطه فين واحكم بنفسك
..
خلاص يا جماعه .. الموضوع واضح كده .. واضح ازاي تعرفوا
العملية ناجحه ولا لأ
شوفوا صورة مكة بعد العملية وشوفوا النقطة البيضا فين
|
.jpg)
