|
حالة هذا الأسبوع ( 222 ) : ريتاج 9 شهور .. من
طنطا
الحول الانسي الخلقي
الحول ده هو اشهر انواع الحول عند البيبيهات ..
يعني تقريباً نص البيبيهات إللي عندهم حول بنلاقي عندهم
حول انسي خلقي ..
دايماً بأقول للامهات لما البيبي يظهر عنده حول
انسي – يعني عينه تخش لجوه –
في
اول 6 شهور من عمره فاول احتمال تفكروا فيه هو الحول
الانسي الخلقي ...
والحول ده ملهوش علاج إلا العملية .. كتير من
الامهات يقولوا لي مانستنى شوية لما البيبي يكبر يمكن
الحول يتعدل لوحده ... أو مانستنى لما يكبر شوية
يا جماعة الحول الانسي الخلقي مش بيتعدل لوحده
أبداً .. مهما استنيتوا برضة هتعملوا العملية .. وكل
مانعملها بدري كل ما كان احسن عشان العين الحولة ماتضعفش
او تكسل .. وصدقوني نتايج العمليات عند الاطفال دول ممتازة
.. وغالباً بنحتاج عملية واحدة عشان نعدل الحول ده
حمد الله على سلامتك يا ريتاج
|
.jpg)
