حالة هذا الأسبوع ( 216 ) : لينا أسامة .. 5 شهور .. من الأقصر

" إيه أصغر سن بتتعمل فيها عملية الحول ؟ "

البيبي ياجماعة وهو لسه مولود مش بيعرف يتحكم في عينيه .. كتير من البيبيهات عينيهم تحول وبعدين تتعدل لوحدها .. دي حاجة طبيعية متقلقش في أول 4 شهور .. لكن بعد الشهر الرابع مش طبيعي أبداً إن البيبي يحول .. أي أم عندها بيبي عدا الأربع شهور وعينه بتحول يبقى لازم تكشف عليه .. مفيش بيبي طبيعي عدا الأربع شهور وعينه حولة .. ده مش طبيعي أبداً

الحول ده يا جماعة اسمه " الحول الأنسي للأطفال الرضع " .. والحول ده ملهوش علاج إلا العملية

مامة لينا قالت لي بالحرف الواحد " معقول يا دكتور جمال هتعملها عملية في السن دي .. دي لسه 5 شهور "

يا جماعة الحول الانسي للاطفال الرضع مش بيتعدل الا بعملية .. وكل مانعمل العملية بدري كل ما كان احسن .. عشان العين الحولة ماتضعفش او تكسل .. احنا بنعمل العمليات دي لبيبيهات عندهم 4 شهور من غير أي مشكلة ونتايج العمليات عند البيبيهات دول بتكون ممتازة .. وعادة بيحتاجوا عملية واحدة عينيهم بتتعدل بعدها .. زي عملية لينا كده

حمد الله على سلامتك .. والف مبروك يا حبيبتي ...

د. جمــال صبـــحي