حالة هذا الأسبوع ( 211 )  حسين الحارتي .. 10 سنين .. من السويس

                 " هو الحول هيرجع تاني " 

حالة النهارده بترد على كل المشككين في عمليات الحول وان كل اللي بيعملوا العمليات دي الحول بيرجع لهم تاني

امبارح دخل عليا العيادة أم ومعاها ابنها بتاع عشر سنين كده  

·     مش فاكر حسين يا دكتور جمال .. حسين الحارتي بتاع السويس .. انت عملتله عملية حول لما كان عنده سنتين .. دورت على ملف حسين على الكمبيوتر .. فتحت صورته .. مش ممكن ياجماعه .. صورة بيبي عسول جداً بتاع سنتين كده عنده حول انسي .. الكلام ده كان سنة 2012  

أنا حبيت النهارده أوريكم صورة حسين زمان وصورته دلوقتي .. فات على العملية سنين كتيرة والولد زي الفل وهيفضل زي الفل ان شاء الله 

الحمد لله رب العالمين .. يستاهل الحمد والله

وشكراً يامامة حسين انك سمعتي كلامي وعملتي العملية لابنك في الوقت الصح .. والنتيجة باينة دلوقتي قدامك أهو .. ربنا يخليهولك يافندم