حالة هذا الأسبوع ( 323 )
" حول طول النظر "
حول طول النظر يعني من غير نضارة العين تحول
لجوه .. نلبس النضارة العين تتعدل
هنا ياجماعة طول النظر هو سبب الحول .. عشان
كده لو عالجنا طول النظر .. يعني لبسنا النضارة .. نلاقي الحول
اتعدل فوراً
وعشان كده دايماً بنقول حول طول النظر علاجه
الوحيد هو النضارة .. ملوش أي علاج تاني
تيجي أم تقولي طيب مانعمل عملية بدل النضارة
ياكتور .. مينفعش والله .. حول طول النظر مش بيتعدل بالعملية
.. بيتعدل بالنضارة بس .. وتيجي أم تقولي بنتي لسه صغيرة ومش
عارفه ألبسها النضارة .. شوفلي حل تاني ياكتور .. والله مافي
حل تاني .. عينها مش هتتعدل غير بالنضارة .. و تيجي برضه أم
تقولي طيب نعمل لها ليزك بدل النضارة .. برضه مينفعش .. الليزك
مش بيتعمل للأطفال .. الليزك بيتعمل عند سن 18 سنة
.. لما تكبر نبقى نعمل لها ليزك .. مفيش علاج ينفعها
دلوقتي غير النضارة
واضح كده ياجماعة ؟؟
|
.jpg)
