حالة هذا الأسبوع ( 242 )
" حول طول النظر "
عشان نسميه " حول طول النظر " يبقى لازم يكون كده .. من غير
نضارة العين تحول لجوه .. بالنضارة العين تتعدل
تقلع النضارة عينها تحول لجوه .. تلبسها تبقى طبيعية خالص
أي حاجة غير كده ميبقاش اسمه " حول طول النظر " .. يبقى حول
نوع تاني
طول النظر هنا هو اللي سبب الحول .. فلو عالجنا طول النظر (
بالنضارة يعني ) يبقى خلاص الحول هيتعدل
وعشان كده بنقول دايماً الحول ده ياجماعة علاجه نضارة .. ملهوش
أي علاج تاني
مينفعش أم تقولي طيب مانعمل عملية بدل النضارة .. مينفعش
مينفعش أم تقولي طيب مش عارفه ألبسه النضارة .. مينفعش .. لازم
تحاولي تلبسيه النضارة .. مفيش حل تاني
مينفعش أم تقولي طيب نعمل ليزك بدل النضارة .. برضه مينفعش
لازم النضارة .. مفيش علاج تاني غير النضارة
وكل 6 شهور يا ماما بنعيد مقاس النضارة
ساعات نلاقي شوية شوية طول النظر بيقل لحد اما يروح خالص
وقتها ميبقاش فيه حول وكمان بنستغنى عن النضارة
وساعات نلاقي طول النظر فضل زي ما هو أو حتى زاد
برضه علاجه نضارة ويبقى نعمل ليزك بدل النضارة لما ابننا يوصل
18 سنة
واضح كده ياجماعة ؟؟
د. جمــال صبـــحي
.jpg)
